Хятад, Монголын иж бүрэн стратегийн түншлэлийн харилцааг өндөр түвшинд хүргэнэ. ”Дөрвөн цагийн Үзэмчин” наадам боллоо. Өвөр Монголын Хөлөнбуйрын тал нутгийн соёл, аялал жуулчлалын наадам боллоо. “Алтан холбоо” 2 – Хилийн Мандал боомт Чэндүгийн FISU-ны дэлхийн эрдэм шинжилгээний бага хурал нээгдэв. Ши Жиньпин Сычуань мужид ажиллав. Чэндүгийн Универсиад наадам залуучуудын спортоор дамжуулан дэлхийн эв нэгдлийг ахиуллаа. Ши Жиньпин Баруун бүсийн байлдааны тойргийн агаарын цэргийн хүчний ажилтай танилцлаа. ”Бүс ба зам өчигдөр, өнөөдөр, маргааш” баримтат кино нээлтээ хийлээ. “Найрамдал 70” хүндэтгэлийн тоглолт боллоо. “Монголын мэдээ” 90 нас хүрлээ. Хятад анагаах ухааны соёлыг НҮБ-ын олон улсын ордонд дэлгэв. Шинэ оюутнуудын улсдаа өргөсөн бэлэг ийм байна. Да Шин нисэх онгоцны буудал хүрэх галт тэрэг нэвтэрлээ. БНХАУ байгуулагдсан өдөр цэргийн парад зохион байгуулна. Да Шин олон улсын нисэх онгоцны буудал ашиглалтад оров. Монгол Улс, БНХАУ-ын харилцаа хамгийн сайн үе шатандаа байна. Ш.Эгшиг: Амьд хэлэнд түүхэн хэлний материал ихээр хадгалагдаж байдаг. Баярын жагсаалд15 мянган цэрэг оролцоно. Хөдөө тосгон, хөдөө аж ахуйн салбарт ажиллаж буй ажилчдад мэндчилгээ дэвшүүллээ.

Хятад Монголын солилцооны арга хэмжээ болов

2025 оны 8 сарын 25

БНХАУ-ын Худалдааны яамны Азийн газар, ӨМӨЗО-ы Худалдааны Танхим, Монгол Улсын Эдийн засгийн хөгжлийн яамны Худалдаа эдийн засгийн хамтын ажиллагааны бодлогын газар, Монгол Улсын ХХАХҮ Яамны мал аж ахуйн хэлтэс хамтран зохион байгуулсан Монгол-Хятадын V Экспогийн Хятад, Монголын засгийн газар, аж үйлдвэр, боловсрол, судалгааны байгууллагуудын солилцооны арга хэмжээ 08-р сарын 24-ны өдөр Хөххотод боллоо.

Энэхүү арга хэмжээ нь "Хятад, Монголын хамтын ажиллагааг гүнзгийрүүлж, аж үйлдвэрийн инновацыг хамтаар ахиулъя" урианы дор болсон бөгөөд Хятад, Монгол хоёр орны улс төр, бизнес, эрдэм шинжилгээний салбарын холбогдох хүмүүс уул уурхай эрчим хүч, дэд бүтэц, хөдөө аж ахуй, мал аж ахуй зэрэг эдийн засаг, худалдааны асуудлаар харилцан санал солилцож, хамтын ажиллагааны чиглэлийг судалжээ.

БНХАУ-ын Худалдааны яамны Азийн газрын дарга Ван Липин хурал дээр хэлэхдээ “Хятад, Монгол хоёр орон уул уурхай эрчим хүч, дэд бүтэц, газар тариалан, мал аж ахуйн салбарт харилцан нөхөх давуу талтай бөгөөд хамтын ажиллагааны өргөн боломж бий. Хоёр талын хамтын хүчин чармайлтаар хөрөнгө оруулалтын хүрээ тасралтгүй өргөжин тэлж, уул уурхай, аж үйлдвэр, мал аж ахуйн гаралтай бүтээгдэхүүн боловсруулах зэрэг уламжлалт салбарыг хамарсан төдийгүй дижитал эдийн засаг, ногоон эрчим хүч зэрэг шинээр гарч ирж буй салбаруудыг ч хамарч байна. Хятад улс нь Монголын хамгийн том худалдааны түнш, хамгийн том импортын улс бөгөөд хамгийн том экспортын орон байсаар ирсэн”.

Хятадын статистик тоо баримтаас үзвэл, 2024 онд Хятад, Монголын худалдааны хэмжээ 18 тэрбум 620 сая ам.долларт хүрч, өнгөрсөн оны мөн үеийнхээс 10.1 хувь нэмэгдэж, Хятадын гадаад худалдааны нийт өсөлтийн хурдыг 5 пунктээр давж, дээд амжилт тогтоосон байна. ӨМӨЗО-ы Монгол Улстай хийсэн худалдааны хэмжээ нь Хятадаас Монгол Улстай хийж буй худалдааны нийт хэмжээний 63 орчим хувийг эзэлж, Монгол Улстай эдийн засаг, худалдааны хамтын ажиллагаа өрнүүлэх гол хүч болсон юм. 07-р сарын эцсийн байдлаар, ӨМӨЗО Монгол Улсад хөрөнгө оруулах 318 аж ахуйн нэгж байгуулж, Хятадын талаас нийт 2 тэрбум 120 сая ам.долларын хөрөнгө оруулалт хийхээр тохиролцсон байна.

Арга хэмжээний үеэр Монгол Улсын Эдийн засгийн хөгжлийн сайдын зөвлөх Д.Дашравдан “ Уг арга хэмжээ нь Хятад, Монгол хоёр орны харилцаа холбоо, хамтын ажиллагааны загварыг баяжуулж, Хятад Монголын эдийн засаг худалдааны бодлогыг уялдуулах, хамтын ажиллагааг бэхжүүлэхэд чухал индэр болсон юм” гэжээ.

Нийгмийн олон салбарын төлөөлөгчид уг арга хэмжээнд зориулан санаа бодлоо солилцож, Хятад, Монголын аж ахуйн нэгж, мэргэжилтнүүд төслийн хамтын ажиллагаа, техникийн хэрэгцээ, боловсон хүчнийг сургах болон бусад асуудлаар гүнзгий солилцсон байлаа.